25
декабрь
2025
Кеңес беру/Ата-аналармен сауалнама
«АТА-АНАНЫҢ БАЛА ТӘРБИЕСІНДЕГІ РӨЛІ» САУАЛНАМА
Қазіргі таңда баланың тұлғалық, әлеуметтік және эмоционалдық дамуы ең алдымен отбасындағы тәрбиеге байланысты. Ата-ананың бала тәрбиесіне деген көзқарасы, қарым-қатынас стилі мен күнделікті қолдауы баланың мінез-құлқы мен қоғамға бейімделуіне тікелей әсер етеді. Осы сауалнама ата-аналардың бала тәрбиесіндегі рөлін анықтау, тәрбиелік үдерістегі қиындықтарды зерделеу және педагогикалық қолдау көрсету мақсатында жүргізіледі.Сауалнаманың мақсаты
Ата-аналардың бала тәрбиесіне қатысу деңгейін, тәрбиелік ұстанымдарын және балаға көрсететін қолдау түрлерін анықтау.
Сауалнаманың міндеттері
- Ата-аналардың бала тәрбиесіне деген көзқарасын зерделеу;
- Отбасындағы тәрбие ерекшеліктерін анықтау;
- Бала мен ата-ана арасындағы қарым-қатынас деңгейін бағалау;
- Ата-аналарға қажетті педагогикалық қолдау бағыттарын айқындау;
- Тәрбие үдерісін жетілдіруге арналған ұсыныстар әзірлеу.
- Ата-аналар өз тәрбиелік әрекеттерін саралап, өзін-өзі бағалауға мүмкіндік алады;
- Педагогтер мен мамандар ата-аналармен жұмысты тиімді жоспарлай алады;
- Бала тәрбиесіндегі қиындықтар мен қажеттіліктер дер кезінде анықталады;
- Отбасы мен білім беру ұйымы арасындағы ынтымақтастық нығаяды;
- Баланың жан-жақты дамуына қолайлы жағдай жасауға ықпал етеді.
1. Балаңыздың жасын көрсетіңіз:
☐ 3–5 жас
☐ 6–7 жас
☐ 8–10 жас
☐ 11 жастан жоғары
2. Балаңызбен күніне қанша уақыт бірге өткізесіз?
☐ 30 минутқа дейін
☐ 1 сағат
☐ 2–3 сағат
☐ Күні бойы
3. Балаңыздың күн тәртібін сақтауға қаншалықты көңіл бөлесіз?
☐ Үнемі
☐ Кейде
☐ Сирек
☐ Мүлде көңіл бөлмеймін
4. Бала тәрбиесінде қай бағытқа көбірек мән бересіз?
☐ Тәртіп пен жауапкершілік
☐ Білім алу
☐ Мінез-құлық, қарым-қатынас
☐ Эмоциялық қолдау
5. Балаңызбен жиі әңгімелесесіз бе?
☐ Күн сайын
☐ Аптасына бірнеше рет
☐ Сирек
☐ Уақыт жетіспейді
6. Балаңыздың достарымен, ортасымен таныссыз ба?
☐ Иә, толық білемін
☐ Жартылай
☐ Жоқ
7. Қиын жағдайда балаңызға қалай көмектесесіз?
☐ Тыңдаймын, түсінуге тырысамын
☐ Кеңес беремін
☐ Өз бетімен шешуіне қалдырамын
☐ Қиналамын
8. Бала тәрбиесінде қандай қиындықтар бар?
☐ Уақыттың жетіспеуі
☐ Сабырдың жетіспеуі
☐ Бала мінезі
☐ Қиындық жоқ
9. Педагогтерден қандай қолдау алғыңыз келеді?
☐ Кеңес
☐ Тренинг
☐ Жеке әңгіме
☐ Қажет емес
10. Өз ойыңыз, ұсынысыңыз:
_________________________________________________________________________